Eguraldia goibela izan arren, irribarrea aurpegian zutela iritsi dira Urretxuko Areizaga-Kalebarren plazara Iñaki Beitiaren omenezko mendi martxako parte hartzaileak. Aurten 23. aldiz egin dute mendi martxa, eta euria barra-barra ari bazuen ere, berotasun berezia transmititu dute mendizaleek.
Goizean goiz irten dira parte hartzaileak Areizaga-Kalebarren plazatik, eta 31,5 kilometroko luzera eta 1.700 metroko desnibela duen ibilbidea egin dute. Irimora igo dira lehenik, eta Zazpi Puntak egin dituzte ondoren. Goierri, Deba Garaia eta Urola Kostako lurretan ibili dira mendizaleak.
Lasterketa amaitzean kamiseta bana eman die parte hartzaileei, eta gainera, mendiko materialaren zozketan parte hartu dute. Berezia izan da aurtengoa, izan ere, martxoan Beitia zenaren aita hil zen.
