Kadete eta gazte mailako Hego Euskal Herriko eskubaloi txapelketa jokatzen ari dira gaur Oñatin, Urretxun eta Zumarragan. Urretxuko Aldiri kiroldegian gazte mailako emakumeak jokatzen ari dira eta Zumarragako Ispilla kiroldegian, berriz, gazte mailako gizonezkoak. Kadete mailako partidak Oñatin dira.
Goizean finalerdiak jokatu dituzte eta arratsaldean hirugarren posturako partidak eta finalak jokatuko dituzte. Gazte mailakoei dagokienez, gizonezkoen finala Nafarroak eta Gipuzkoak jokatuko dute eta emakumezkoena Bizkaiak eta Gipuzkoak. Kadete mailakoei dagokienez, gizonezkoen finala Gipuzkoak eta Bizkaiak jokatuko dute eta emakumezkoena Nafarroak eta Gipuzkoak.
Hirugarren posturako partidak 16:15ean hasiko dira finalak 18:00etan.
