Urretxu eta Zumarragako Karmakros antzerki taldeak Antzezmotz lehiaketaren hirugarren edizioa antolatu du. Lehen kanporaketa bihar jokatuko da, 20:30ean, Urretxuko Labeaga aretoan.
Antzezlan laburren lehiaketa honetan iaz baino kanporaketa bat gutxiago egongo da eta emanaldiak bi ordu lehenago hasiko dira. Helburua ikusle gehiago erakartzea da.
Antzerki taldeek beraiek idatzitako obrak antzeztuko dituzte, gutxienez 8 minutuko luzera dutenak eta gehienez 15 minutukoak.
Kanporaketa bakoitzean lau taldek parte hartuko dute. Bihar, Irun eta Errenteriako Dosekilibrados taldeak El club de los mentirosos antzeztuko du, Zumarragako Deblacks-ek La plaza, Gasteiz eta Arrasateko Artekok Aukerak eta Tolosa eta Bergarako Carambola-k ¿Subes?
Otsailaren 17an Berrobiko Tetris taldeak Aingerutxoak lana antzeztuko du, Lezoko Cia, la que tu me haces-ek Kronoscopia, Donostiako La niña de fuego-k Mi mascara eta Donostiako Manos que rien-ek La gabardina.
Azken kanporaketa hilaren 24an izango da. Bilboko Con la que esta cayendo taldeak El tren de la vida lana antzeztuko du, Eibar, Bergara eta Hendaiako lagunek osatzen duten Berriz topatzianek Berriz topatzian, Zumaiako Zanzara-k Inor ez dator eta Eskoriatzako @r-emociones-ek Desbloqueados.
Finala, martxoaren 10ean
Kanporaketa bakoitzeko talde onenak finalerako txartela lortuko du. Finala martxoaren 10ean jokatuko da, ordu eta toki berean.
Aurten hiru kanporaketa egongo dira, aurreko bi urteetako lauen ordez. Gainera, saioak bi ordu lehenago hasiko dira. Aldaketa horien helburua ikusle gehiago lortzea da eta horretarako kanporaketak laburragoak izango dira: aurten gonbidatutako antzerki taldea amaieran bakarrik irtengo da agertokira, epaimahaia eztabaidatzen ari den bitartean. Bestalde, Urretxu eta Zumarragako udalen laguntzari esker, sarrera doan izango da.
Sariei dagokienez ere berrikuntzak egongo dira. Lehen saria 800 eurokoa izango da eta bigarrena 400ekoa. Gainera, lehiaketako aktore onenarentzat, gidoi onenarentzat eta euskarazko lan onenarentzat sariak egongo dira. Azken sari hori 200 eurokoa izango da eta beste hiruak 100 eurokoak.
Karmakros taldeko Patxi Remiro gustura ageri da taldeen erantzunarekin, baina euskaraz lan egiten duten talde gutxik izena eman dutelako penatuta ageri da. «Iazko talde kopuru berak eman du izena, gutxi gorabehera, baina euskarazko gehiagok izena ematea gustatuko litzaiguke».
Goierriko albisteak euskaraz, libre eta kalitatez jaso nahi dituzu? Horretarako zure babesa ezinbestekoa zaigu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaraz modu librean kontatzea da gure eginkizuna. Horretarako, zure ekarpena beharrezkoa da, eta ongi maitatzeko modurik zintzoena da HITZAkide egitea.
Gainera, BERRIAlaguna bazara eta HITZAkide egiten bazara, katilu bat oparituko dizugu:
Ezagutu HITZAkide izatearen abantailak eta aukeratu HITZAkide izateko gustuko modalitatea
Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko.Onartu Informazio gehiago nahi baduzu, kontsultatu hemen.
Privacy & Cookies Policy
Privacy Overview
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.