Urretxu-Zumarragako Joxemari Iparragirre Institutuak gaur ospatu du 50. urteurreneko ekitaldi nagusia. Labeaga aretoan elkartu dira lehendabizi eskolako gaur egungo, lehengo eta sorrerako kideak: irakasle, ikasle eta arduradunak. Ekitaldi instituzionala izan da, eta hitzaldiak egin dituzte Miren Rodriguez zuzendariak, Amaia Alvarez ikasketa-buruak, Urretxuko zinegotzi Jon Albisuak, Zumarragako alkate Mikel Serranok eta Eusko Jaurlaritzaren Hezkuntza sailburu Cristina Uriartek.
“Ikastetxeen urteurrenak beti dira bereziak”, azaldu du Uriarte sailburuak. Labeagan elkartutako belaunaldi askotako ordezkariek halaxe islatu dute. Ikasleek egindako lipduba ikusi dute lehenengo. “Institutu honek duen garrantzia bistan da, Urretxun, Zumarragan eta inguruko herrietan. Belaunaldi askoren formakuntzan testigu izan da. Zuengan jarri dute orain ere konfiantza familia askok. Ez da erronka makala”, gehitu du sailburuak.
Ekitaldiaren une hunkigarriena irakasle jubilatuak oholtzara igo direnean izan da. Iparragirre institutuak ohitura polit bat badute: erretiratzen den langile edo irakasle bakoitzak zuhaitz bana sartzen du, ikastetxearen eta Etxaburu baserriaren artean. “Baso polit bat sortzen ari da, bakoitzaren ekarpenarekin”. Gaur berriz jaso dute errekonozimendua 11 irakasle eta langile ohik. Banan-banan agertokira igo, eta oroigarria eta lore sorta bana oparitu dizkiete. Ohorezko aurreskua dantzatu diete bi dantzarik.
Gaurko ikasleek ere izan dute presentzia. 17 igo dira, eta bakoitzak institutua zer den esaldi labur batekin definitu du: “elkartasuna ikasi” duen lekutik, “bizitzako 7.000 ordu igaro” dituenaren testigantzara.
Beste saio txalotu bat Andoni Salamero idazlearena izan da. 1980-84 bitartean Iparragirren ikasia, orduko garaia, zertzeladak eta giroa kontatu ditu, 1980ko hamarkadako munduaren erradiografia zabal bat egin ondoren. Matematikako irakaslea notak esaten irudikatu du, suspentsearen suspentsoa nolakoa izaten zen oroituz. Eta Joxe Mari Iparragirre koblakariaren Traperoaren doinuan, Benalmadenara ikas-bidaian joan ahal izateko, jolasorduan ogitartekoak 25 pezetan nola saltzen zituzten kantatu du. “Ez da txantxetakoa egin duzuena, eta gustura egoteko arrazoiak dituzue”, esan du Salamerok, eskola-komunitate osoa gogoan. Mikel Laboaren Iragan egun batez doinuarekin bukatu du interbentzioa, “…50 urte” esanda borobilduta.
Ikastetxearen mende erdiko historia, testigantzak eta ikasle/irakasle/familia askoren kontakizunak liburu batean bildu dituzte. Ekitaldiaren bukaeran banatu dute. Jaiak Ederrena pilotalekuan segi du, herri bazkaria baitute Iparragirre institutukoek.
Iparragirre institutuko irakasle eta langile erretiratuak, atzean ikasleak dituztela, gaur Urretxun./Aimar Maiz
Irakasle eta langile erretiratuak banan-banan igo dira agertokira./Aimar Maiz
Andoni Salamero. 1980ko hamarkadako kontuak atsegin gogoratu ditu./Aimar maiz
Goierriko albisteak euskaraz, libre eta kalitatez jaso nahi dituzu? Horretarako zure babesa ezinbestekoa zaigu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaraz modu librean kontatzea da gure eginkizuna. Horretarako, zure ekarpena beharrezkoa da, eta ongi maitatzeko modurik zintzoena da HITZAkide egitea.
Gainera, BERRIAlaguna bazara eta HITZAkide egiten bazara, katilu bat oparituko dizugu:
Ezagutu HITZAkide izatearen abantailak eta aukeratu HITZAkide izateko gustuko modalitatea
Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko.Onartu Informazio gehiago nahi baduzu, kontsultatu hemen.
Privacy & Cookies Policy
Privacy Overview
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.