LUZ (Legazpi, Urretxu eta Zumarragako) irratiafizionatu elkarte kulturalak anitz ekintzatan parte hartu du sortu zenetik, batez ere antolaketa lanetan laguntzen, hala nola, Euskadiko Itzulian, Duatlon nahiz Mountain Bike txapelketetan.
Bestalde, duela hilabete batzuk, talde honen bitartekotzaz familia bateko senitartekoen elkarrizketa lortu ahal izan zen, irrati bidez Legazpi eta Bosnia bat eginik. Honelako giza laguntzak benetan pozgarri dira laurogei lagun inguruko ta/de honentzat.
Zumarragako jaietarako 24 orduko irrati emanaldi bat antolatuko dute herritarrengan zaletasun pittin bat sortarazteko asmoz. Emanaldiak irauten duen 24 orduetan zehar kanala irekita egongo da, eta, mendian hor nonbait kokatuta egongo den basearen bidez, bertatik nahiz beste herriren batetik bidalitako ahotsa Zumarraga eta Urretxura hedatuko delarik.
Bukatzeko esan behar dugu irratizaletasunari buruzko erakusketa bat antolatu eta txosna bat jartzeko asmoa dutela. Irratia besterik behar ez den zaletasun honetan interesa baduzu, gertura zaitez!
