Zumarragarra, Valladolid eta Donostian medikuntza ikasketak burutu zituenetik, Parkinson gaixotasuna ikertzen buru belarri aritu da. Donostiako Arantzazuko Ama Ospitalean zazpi urtez ihardun du lanean. Bertan eta Estatu Batuetan edota Ingalaterran egindako ikastaro ugarien bidez lortu du Parkinson gaixotasunean aditua izatea. ”
1992. urtetik hona Donostiako Quirón klinikan ari da lanean. Duela hilabete, martxoan, erietxe honetan egin zen Europa mailako lehenengo Parkinson ebakuntzan parte hartu zuen eta oso gustura dago lortutako emaitza onarekin. Ordura arte, mota honetako ebaketak Estatu Batuetako Atlanta hirian bakarrik burutzen ziren.
