Urretxun oso zabalduta dagoen abizena dugu hau; Gipuzkoan Eizagirre eta Aizagirre abizenak ere azaltzen dira eta adituek diotenez lehenengo biak azkenekoaren aldaerak dira.
Bere lehenengo osagaia ‘(h)aize’ dugu eta bigarrena ‘- agerre’ edo ‘-agirre’; beraz haizean ageri dagoen lekuaren esanahia du. Historian zehar abizen honen agerpenak nabariak dira; esate baterako Aizaguirre (Gipuzkoa, 1782), Ayçaguer, Eizaguirre, Izaguirre, eta toponimo moduan Aizaguerria (Iruñea, 1574). Hau da gaur egun den etimologiarik onartuena, zeren eta ‘-agirre’ osagaia erraz ‘egoa’, ‘iparra’ eta ‘eguzki’ osagaiekin ikus baitaiteke.
