ALBISUA abizena ezaguna dugu Zumarraga eta Urretxuko herrietan. ALBISUA bezala, abizenen etimologietan adituak direnek ALBISU, ALBIZUA eta ALBIZU deiturak ere esanahi berekoak direla dio te. Hauen esanahia albitz (gazteleraz “heno”) ugari dagoen lekuarena da, “albitz” + “tsu” egituran bana daitekeela. Abizen honen jatorria toki anitzekoa da. Esate baterako ALBISU eta ALBIZUtarrak Zaldibiatik, Lizarrako inguruetatik, Lazkao, Ataun, Amurrio (Araba), Bizkaiko Gardexola eta Arratiatik omen datoz. ALBISUA eta ALBIZUArrak, ordea, Bergara eta Elgetatik. Hau da, oso hedatuta dagoen abizena.
