Urola Garaiko Mankomunitateak, Ezkio-Itsaso, Legazpi, Urretxu eta Zumarragako herrietako ondare kulturala, artistikoa, turistikoa eta industrialari buruzko informazioa jasotzen duen gida kaleratu duo Gida hau Urola Garaiko herritarrei eta gure herrien berri izan nahi duten kanpotarri dago zuzendua.
Aldiri K.E.aren mikologia asteburua
Jende asko bildu zen hilaren 18tik 20ra bitartean, Aldiri Kultur Elkarteak antolatutako VIII mikologia asteburuan egindako hitzaldi, mendi irteera eta batez ere, penetxikoen sailkapenera, erakusketara eta dastaketara.
Krosa Urretxu eta Zumarragan
Antonio Merino antzuolarrak irabazi zuen Urola Garaiko Atletismo taldeak antolatutako lasterketa. Legazpitik irten eta Urretxu eta Zumarragatik barrena korrika aritu ziren krosean parte hartu zuten 200 lagunak.
Gurutze Gorria bolondres bila
Urola Garaiko Gurutze Gorriak adinduekin lan egiteko beste bolondres talde bat sortzeko asmoa du eta honetarako ikastaro bat emango duo Gurutze Gorriak gizon eta emakume adinduei eskaintzen dien laguntza eta zerbitzua osatu nahi du egitasmo berri honekin. Bakarrik bizi diren aitona-amonei bisita egin, beraiekin kalera irten edota erakundeetan daudenek antolatzen dituzten ekintzetan laguntzea litzateke bolondresen eginbeharra. Ikastaroan parte hartzeko interesa duenak, 72 53 64 telefono zenbakira dei dezake.
Urola Garaiko Lanbide Eskolaren inaugurazioa
10 urtez bideratze lanetan aritu ondoren, hilaren 23an inauguratu zen orain arte San Jose ikastetxearen egoitza zegoen toki berean, Urola Garaiko Lanbide Eskola. Ikastetxe berriaren sorrerarekin oso pozik azaldu zen Iñaxio Oliveri. Eusko Jaurlaritzako Hezkuntza Saileko kontseilariak, esan zuenez, “horren industria tradizio handia izan duen bailarak, aspalditik zuen beharra betetzeko lehen pausoa da lanbide eskolaren inaugurazioa. Hemendik aurrera ikastetxeak, inguruko industrietako beharrei erantzuna eman eta konpetibitate mailan lehiatu ahal izateko irakaskuntza egokia eskaini beharko du.” Aldi berean, Oliverik, enpresariei langileentzako ikastaroak antolatzen ardura gehiago hartzea gustatuko litzaiokeela adierazi zuen, eta hori bultzatzeko neurri legalak hartuko direla ere gehitu zuen.
Bestalde, patronatuaren lehendakariak, Juan Ramon Lanañagak, Oliverik esandakoarekin bat zetorrela esan eta ikastetxeko arduradunen oraingo erronkak ekipamendua egokitzea eta ahalik eta azkarren ikastetxea euskalduntzea direla adierazi zuen.
Miguel Angel Gomez eta Santi Perez omenduak
Urretxuko udalak, Miguel Angel Gomez, Atlantako olinpiadetan, boccia kirolean unezko domina irabazi zuen Estatuko taldeko partaidea, eta Santi Perez, Atlantan izan zen Diego Garcia korrikalariaren entrenatzailea, omendu zituen hilaren 20an. Udalak, herriko kirol taldeek eta lagunek eskainitako opariak udaletxean jaso ondoren, Aldiri kiroldegian, Goierri K.E.ko eta Dordoka elkarteko futbol taldeen arteko partidua jokatu zen. Miguel Angel Gomez eta Juanjo Odriozola herritarrak boccia kirolean jokatzen ikusteko aukera ere izan zen. Argazkian, Lurra dantza taldeko dantzari bat aurreskua dantzatzen bi olinpikoei.
