Herriko ekintzetan laguntzeko prest dagoen lagun taldea
Noiz eta nola sortu zen Zumardi elkartea?
1971 . urteko apirila aldean, Zumarragako 2 koadrila HOR KONPON eta EMPUJE, Txoko tabernan biltzen hasi ziren, elkarte gastronomiko bat sortzeko asmoz. Urte hartako abenduaren 8an, Nafarroa enparantzan, Zumardi elkartea inauguratzea lortu zuten. 1978. urteko irailean Elizkalera, oraingo egoitzara aldatu zen elkartea.
Zenbat bazkide izan zituen hasieran eta zenbat zarete orain?
Sorreran 60 bazkide zituen Zumardik. Elkartea tokiz aldatzearekin batera bazkide kopurua gehitzea pentsatu zen eta egun, 80 bazkide eta 16 jubilatu gaude bertan. Bazkideen batez besteko adina 50 urte ingurukoa da.
Zumardik herriko ekintza desberdinetan parte hartu izan du betidanik.
Bai, hala da, Zumarragaren alde lan handia egin duen herritar asko elkarteko bazkide da. Zumardiko sortzaileek betidanik ibili dira herriko ekintzen antolaketan laguntzen. Hasierako bazkideen ondoren elkartean sartutakoak ere, aurrekoen dinamika jarraitu dugu.
Zein ekintzetan hartzen duzue parte?
Azkenaldian Zumarragako danborradan elkarte moduan parte hartu ez badugu ere, urteetan ibili da Zumardiko taldea lan horretan. Oraindik ere bazkide asko bere kasa irteten da danborradan. Gainera, urteetan hala egin denez, dagoeneko ohitura bihurtu da Zumarragako musika bandak danborrada egunean Zumardin afaltzea.
Erregeen kabalgatan ere ibiltzen gara. Duela 25 urtetik hona, errege beltza eta bere laguntzaileak Zumardikoak dira. Errege bakoitzak 30 lagun behar ditu eta hemen kaba1gatarako izen ematea jakinarazi aurretik, 50 1agun prestatzen dira lan honetarako.
Hirugarren adinekoak ere kontutan izaten ditugu eta udazkenean geriatrikoko 1agunak Zumardira gonbidatzen ditugu bazka1tzera. Bestalde, urtero anto1atu izan dugu, aurten 25. urteurrena bete duen Zumarragako festetako dantza txape1keta.
Oso dantzari onak izan dira aurten.
Bai, guztira 11 bikotek hartu zuten parte. Euskadiko onenak izan ziren Zumarragan, Euskadiko txape1ketako lau 1ehenengoak eta 2 eta baita 3 urtetan ere txapeldunak izandako bikoteak etorri ziren. Aurten gainera, zenbait berrikuntza izan dira. Batetik, dantza lehiaketa ordez, dantza erakusketa antolatu dugu. Bestetik, txistularien doinuarekin dantza egin beharrean, trikitiarekin aritu dira dantzariak eta bukatzeko, Zelai Aristi plazan egin ordez, Euskadi enparantzan egin da lehenengo aldiz. Jendea in guratzeko toki aproposagoa denez, aurrerantzean ere bertan egiteko asmoa dago.
Zer antolatu duzue 25. urteurrena ospatzeko dantza erakusketaz gain?
Maiatzean hasi genituen ekintzak, orduan Urola K.E. ko eskubaloi taldeak antolatutako Elgorriaga Bidasoa eta Arrateren arteko eskubaloi partidan laguntzaile moduan aritu ginen.
Ekainean, I. Santa Isabel pilota saria antolatu genuen, Belokiko pilota Batzordearekin batera, finala Zumarragako festetan jokatu zen. Dantza erakusketa ere orduan izan zen. Abuztuan, Bartzelona eta Leongo Ademar taldeen arteko eskubaloi partida antolatu eta Iñaki Urdangarin, Zumarragan jaio eta Bartzelonako jokalaria dena omendu genuen. Urrian, Izarraitz, Ernio eta Torranora mendi irteerak egin genituen eta aste kulturala antolatu genuen.Bertan, gastronomia hitzaldia, mendiko diapositiben emanaldia inguruko kirolariekin mahaingurua, drogari buruzko hitzaldia eta bertso afaria egin genituen.
Azaroan, Legazpi eskoletan, Irrintzik, Zumarragako txistulariek eta Peñagarikano anaiek, Mikel Alustizak eta Juan Luis Aranburuk osatzen duten taldeak jaialdia eskaini zuten Zumardiko Koralarekin batera. Gazteen I. Sukaldaritza Lehiaketaren antolaketan ere ibili ginen.
Nondik nora sortu zen Zumardiko korala?
1980. urtean abestea gustuko zuen bazkide talde batek sortu zuen korala. Bertako abeslari asko Goiargi abesbatzan eta parrokiako koroan hasi ziren kantuan eta Zumardiko korala desagertu egin zen. 25. urteurrenak honelakorik merezi zuela pentsatuz, jendea berriro ere batera kantatzera animatu dugu. Esan beharra dago, Zumardiko koraleko partaide guztiak ez direla elkarteko bazkideak eta hauek izan duten jarrera eskertzekoa izan da.
Musika oso gustuko duzuela bistan da, ereserkia ere baduzue.
Duela 4 urte sortu zen Zumardi elkarteko ereserkia, Joxe Urteaga arduratu zen musika asmatzeaz, hitzak, berriz, Iñaki Beitiarenak dira eta konponketak Luis Maria G. Artetxek, Tolosako bandako zuzendariak egin zituen.
Gainontzean zelako giroa izaten da Zumardin?
Oso giro polita izaten da gure elkartean, mugimendu handia izaten da bertan, asteburuetan beteta izaten da eta bazkideen arteko afari guztiak trikitiarekin girotzen ditugu.
