Ekainarekin batera dator
ikasle baten kondena,
hala ta guztiz azterketekin
zertan estutu barrena?
nik behintzat garbi daukadalako
zer dugun azterketena,
ikasle batek berekin duen
jakinduri ahalmena,
neurtu asmoz asmatu zuten
modurik absurdoena.
Ikasten pasa ohi ditugunez
bizitzaren hiru laurden,
bada garaia eta guztiok
hartu dezagun atseden,
dela txuletaz, kanbiazozez,
nahiz kopiatuz nabarmen,
aurtengo hontan izan dezagun
guztiok nahikoa kemen,
aprobatzea baita kontua
ez nola aprobatzen den
Nerea Elustondo
Goierriko albisteak euskaraz, libre eta kalitatez jaso nahi dituzu? Horretarako zure babesa ezinbestekoa zaigu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Egin HITZAkide
