Igandean, hilak 19, Asier Otamendik Hendaian jokatuko den Euskal Herriko Bertsolari Txapelketako bigarren kanporaketan hartuko du parte. Arabako txapelduna buru belarri aritu da prestaketa lanetan azken hilabetean, urduri samar dago baina helburua bere buruarekin gustura geratzea da.
Zer esperantza duzu txapelketarako?
Nire helburua lan ona egitea da. Nire buruarekin gustura geratzea nahi nuke, horrekin nahikoa dut eta hortik aurrerakoak ongi etorriak izango dira.
Prestaketa berezirik egin al duzu?
Azken hilabetean bakarrik. Errimak begiratzen ibili naiz liburuetan. Doinu berezi edo berririk ez dut prestatu.
Presio berezirik ematen al du Arabako txapelduna izateak Txapelketa honi begira, urduri al zaude?
Urduritasuna nabari dut. Oso jende onak hartuko du parte eta nik ez dut nire burua hauetako askoren artean ikusten. Nik neuk ez diot garrantzirik ematen Arabako Txapelduna izateari, baina bala ere nire inguruan jendea etengabe ari zait lan txukuna egiteko esaten, eta horrek, presioa sortzen du.
Txapelketen aldekoa zara?
Bai aldekoa naiz, borren ezagunak ez diren bertsolariak ezagutarazteko balio dute.
Ze lortu nahi duzu txapelketarekin?
Ezer berezirik ez, saio arrunt bat balitz bezala kantatzen saiatuko naiz, gainera badakit ez dudala urrutira iritsi behar.
Nortzuk izango dira hiru lehenak?
Egaña, Lizaso eta Iturriaga, orden horretan.
