Zumarraga-Urretxuko Euskara eta Kirol Zerbitzuek antolatuta eskola kiroleko begiraleei zuzendutako ikastaroa izan da urriaren 3, 4 eta 10ean Garaialde Lizeoan. 35 begirale inguruk hartu dute parte ikastaroan eta oinarrizko prestakuntza fisikoa, taldekako eta banakako kirolen didaktika, lehen laguntzak, eskola kirolaren helburuak eta kirol terminologia landu dituzte. Irakaslegoa, Oñatiko eskola kiroleko koordinatzailea, Oñati eta Bergarako kirol teknikariak eta Eibarko kiroldegiko sendagilea izan dira.
