Zein da egungo egoera?
Urolan 4 talde ditugu eta nesken bi talde Legazpi eta Ordiziakoekin batera jokatzen ari dira Goierri izenaz. Talde nagusia Euskadi mailako bigarren mailan jokatzen ari da eta oso ondo dabil, joan den astean Legazpikoen aurka jokatu zuten partidua berdindu zuten arren. Hala ere, oso zaila da igotzea. “1. Territorial” izeneko maila honetan talde guztiak oso paretsu dabiltza eta sailkapenean behean daudenak ere edonori irabazteko gai dira. Liga amaitu ondoren ligaxka bat jokatzen da Arabako onenaren, Bizkaiko bi onenen eta Gipuzkoako 3 lehenengoen artean. Bi onenak “2. nazionalera” igotzen dira. Ligaxka honetan beste hamar partidu jokatzen direnez, denboraldia asko luzatzen da, ekainean amaitzen baita. Hau da gure arazo nagusia: lesioak, lanorduei egokitu beharra… Igotzea oso zaila da, hau dela eta jarraitzaileen bultzada oso garrantzitsua da.
Iaz ere primeran aritu ondoren igoera ligaxka jokatu zenuten, aurten zerbait aldatu al duzue?
Bi jokalari berri ditugu: bat Balentziatik etorri da eta bestea Arrate taldetik. Mutil hau Oñatikoa da baina Arratera joan baino lehen hemen ibilia zen. Hala ere gure ezaugarri nabariena esperientzia da. Oso ondo ezagutzen dugu elkar eta gero eta hobe burutzen dugu talde lana. Bestalde, aurten astean hiru entrenamendu egiten ditugu eta iaz bi besterik ez. Dena den, lana dela eta ostiraletan soilik elkartzen gara denok. Entrenamenduetan arlo teknikoa lantzen dugu batipat, nahiz eta fisikoari ere garrantzia ematen diogun.
Zeintzu dira herri mailako eskubaloi talde baten arazo nagusiak?
Dirua lortzeko ate joka ibili beharra. Gastuak asko zaintzen ditugun arren talde guztiak aurrera egiteko bi milioi pezeta baino gehiago behar ditugu. Udalak 600.000 pezeta inguru ematen ditu eta gainontzekoa zozketen bidez, karteletako publizitatearen bidez… lortzen dugu. Hala ere, merezi du lana egiteak. Talde nagusia lehen postuan dagoela nabaritzen da eta gainontzeko lekuetan baino zaletu gehiago joaten da gure partiduak ikustera. Jarraitzaile sutsuak ditugu eta Legazpi eta Ormaiztegiko taldeen aurkako partiduak sekulakoak izaten dira. Beste leku askotan, ordea, dozena bat lagun soilik joaten da neurketak ikustera. Beste arazo garrantzitsu bat epaileena da. Askotan epaile bakarra etortzen da partidak arbitratzera eta noski, ezin ditu ikusi jokalarien arteko kolpe eta borroka guztiak. Batzuek ikusten dutena behintzat zigortzen dute, baina beste batzuek hori ere ez.
Nolakoa da eskubaloiaren egoera orokorrean?
Maila nagusietan ez du nahikoa jende erakartzen eta hau ikusita enpresek ez dute eskubaloian dirua inbertitzen. Bidasoa, Arratek… behera egin dute diru arazoak hasi direnean. Diru gutxi dagoenean somatzen da nor ari den benetako lan ona egiten. Egun estatu mailan Valladolid eta Granollers dira lan onena burutzen ari direnak. Bartzelonak ez du batere meriturik, futbolaren bidez lortzen duen diruaz sekulako nagusitasuna lortzen du gainontzekiko. Futbolaren laguntza izango ez balu ez luke batere dirurik izango. Garrantzitsuena harrobiaz ondo lan egitea da, berau da diru arazoei aurre egiteko modu bakarra.
Gazteek ere eskubaloia gustuko al dute Urretxu-Zumarragan?
Lehen asko kostatzen zen jendea eskubaloian jokatzeko komentzitzea, baina gaur egun egoera hobea da. Urolako kadete taldea probintzi mailan onena da eta jubenil eta junior mailakoak ere oso ondo dabiltza. Iaz kiroltasun saria eman zieten hiru talderi. Bestalde, nesken kadete taldeko Miren Begiristain bere mailako golegile nagusia da eta Iker Serrano Euskadiko selekzioan dabil. Guzti honek gazteek eskubaloiarekiko zaletasuna badutela erakusten du.
Urte guzti hauetan denetarik ikusiak izango zarete?
Behin beste taldeak baino gol bat baino sartu eta epaileak gol hori apuntatu beharrean gol bat kendu zigun. Honela gol bategatik irabazitako partida galdutzat eman ziguten. Beste batetan neskak Pasaian jokatzen ari zirela, bertako plazan, manifestazio bat suertatu zen. Poliziarengandik ihesi manifestari mordo batekin aldageletan sartu ziren ziztu bizian.
Urretxu eta Zumarragarren sailkapena Behobia-Donostia lasterketan
- 88 Julio Pascual 1:10:59 Zumarraga
- 103 Ricardo Pérez 1:11:50 Zumarraga
- 109 Jesus Lizarazu 1:12:09 Zumarraga
- 110 Igor Pérez 1:12:10 Zumarraga
- 310 Benito Martínez 1:17:20 Urretxu
- 341 Josu Pérez 1:17:43 Urretxu
- 421 Jose Maria Igartza 1:18:54 Urretxu
- 472 Roberto Larraza 1:19:44 Urretxu
- 539 Peio Plazaola 1:20:36 Zumarraga
- 651 Aitor Lizarazu 1:21:47 Urretxu
- 667 Anex Sasieta 1:21:55 Urretxu
- 837 Asier Aranburu 1:23:22 Zumarraga
- 885 Ricardo Veleda 1:23:51 Zumarraga
- 1157 Miguel Plaza 1:25:58 Zumarraga
- 1276 Jesus M. Martínez 1:26:44 Zumarraga
- 1320 Karlos Irizar 1:27:05 Zumarraga
- 1367 Aitor Telleria 1:27:25 Zumarraga
- 1596 Jesus M. Cuñado 1:28:44 Zumarraga
- 1640 Joaquín Menor 1:28:58 Urretxu
- 1721 Juan Carlos Rueda 1:29:28 Zumarraga
- 1780 Iñaki Ibarzabal 1:29:40 Zumarraga
- 1819 Luis M. Fernández 1:29:52 Urretxu
- 1906 Imanol Jauregi 1:30:26 Urretxu
- 2427 Jesus M. Arrazola 1:33:34 Zumarraga
- 2545 Iñaki Urkiola 1:34:15 Urretxu
- 2560 Anex Urbegain 1:34:20 Urretxu
- 3055 Asier Murua 1:36:54 Zumarraga
- 3244 Jose Luis Agirre 1:37:48 Urretxu
- 3251 Roberto Maestro 1:37:50 Zumarraga
- 3673 Luis M. Torres 1:39:53 Urretxu
- 3717 Julio Maroto 1:40:05 Urretxu
- 3927 Ane M. Urmeneta 1:41:07 Urretxu
- 4145 Juan M. Aldanondo 1:42:06 Urretxu
- 4585 Irure Sasieta 1:43:57 Zumarraga
- 4623 Jakes Antia 1:44:07 Urretxu
- 4771 F.J. Mendiluze 1:44:45 Zumarraga
- 4838 Kepa Etxaniz 1:45:04 Zumarraga
- 4873 Joxe Lizarralde 1:45:11 Zumarraga
- 4962 Xabier Bermejo 1:45:35 Zumarraga
- 5004 Xabier Chico 1:45:46 Urretxu
- 5363 Valentín Godoy 1:47:14 Urretxu
- 5367 Miguel Cristobal 1:47:15 Urretxu
- 5369 Francisco Parra 1:47:15 Urretxu
- 5775 Jose M. Bengoa 1:49:25 Zumarraga
- 5996 Roberto Corera 1:49:59 Zumarraga
- 6093 Bienve de la Cova 1:50:24 Zumarraga
- 6340 Aritz Arbizu 1:51:19 Urretxu
- 6415 Mikel Telleria 1:51:43 Zumarraga
- 6484 Eizmendi 1:52:01 Zumarraga
- 6684 Alustiza 1:53:01 Zumarraga
- 6853 Gorka Oruesagasti 1:53:52 Urretxu
- 7009 Egoitz Asurabarrena1:54:44 Urretxu
- 7065 Iñaki Lizarazu 1:54:57 Urretxu
- 7407 Gemma Hernández 1:56:52 Zumarraga
- 7568 Jose Mari Lasa 1:57:40 Urretxu
- 7570 Xabier Utsa 1:57:41 Urretxu
- 7739 Xabier Egea 1:58:33 Urretxu
- 8068 Lorea Gardoki 2:00:25 Zumarraga
- 8674 Itziar Aranguren 2:0453 Zumarraga
- 8891 M. Elixabete Lasa 2:07:00 Urretxu
