Hainbeste urtetan egun profesional mailan dauden gazte ia guztien aurka arituak dira eta afizionatu mailan sona handia lortu dute Urretabizkaia anaiek.
Beñat nahikoa kezkatua dago pilotak afizionatuak izan duen maila jaitsieragatik. Izan ere, “pilotari asko eta asko profesionaletara pasa dira, batzuk jubenilak zirela, eta afizionatu maila asko jaitsi da. Hori dela eta, geroz eta txapelketa gutxiago antolatzen dira eta duela urte batzuk baino gutxiago ordaintzen zaigu”.
-Zer izan nahi zenuen umetan?
Pilotaria edo futbolaria.
-Aisialdian zer egitea atsegin duzu?
Kirola egitea.
-Bizitzeko toki bat?
Zumarraga.
-Bakarka ala binaka jokatzea nahiago?
Binaka, nahiz eta sasoien egonez gero, banaka gustura jokatzen dudan.
-Zein duzu pilotaririk gustukoena?
Retegi II. Finena bera izan da.
-Zure aurka jokatu duten pelotarietatik, nork txunditu zaitu?
Askok, baina Beginok duen kolpea ez diot inori ikusi. Akats asko egiten ditu, baina tanto asko ere bai.
-Elkoro ala Errasti?
Elkoro. Beti goiko losa bilatzen duenez, bere aurka ari den aurrelariari pilota asko kentzen dizkio.
-Zein atzelariren aurka gustatuko litzaizuke jokatzea?
Profesionaletan dagoen edonorekin entrenatzea gustatuko litzaidake, hainbesteko aldea dagoen ikusi eta ikasteko.
-Eta zein aurrelarirekin?
Retegi berarekin. Ondo zegoenean berak mugitzen zuen partidua.
-Irabazitako txapelketetatik, zeinek egin dizu ilusio gehien?
Goñi memorialak.
-Beloki ala Ederrena?
Beloki nahiago dut, ohituago bainago, baina biak dira frontoi onak.
-Nor gustatuko litzaizuke ezagutzea?
Jende famatu interesgarri asko dago, baina inor ez bereziki.
-Norekin pasatuko zenuke asteburu bat?
Lagun on batekin.
-Ilehoriak ala beltzaranak?
Bi motatakoak.
-Egindako azken oparia?
Gogoratu ere ez naiz egiten.
-Eta jasotakoa?
Gabonetakoak.
-Data bat?
Uztailak 22, nire urtebetetze eguna.
-Neska izen bat?
Edozein.
-Zein egunkari irakurtzen duzu?
Eskuartera heltzen zaidan edozein.
-Gustuko telebista saioa?
Telebista gutxi ikusten dut, filmeak batez ere.
-Bereziki gorroto duzuna?
Behin “El patito feo” ikusi nuen eta oso txarra iruditu zitzaidan.
-Liburu bat.
Ez dut asko irakurtzen. Bat asko gustatu zitzaidala gogoratzen naiz, baina ez dut izenburua gogoratzen.
-Filme bat.
Asko ikusten ditut eta genero guztiak atsegin ditut.
-Gustuko abestia?
Musika mota guztiak atsegin ditut. Musikari batzuk aipatzekotan, Metallica, Benito Lertxundi eta Asgarth.
-Soinu bat.
Nik emandakoan pilotak errebotea jotzean ateratzen duena.
-Usain bat.
Zikinkeriarena ez den edozein.
-Ukitzeko…
Leuna den edozer.
-Janari bat.
Arkumea.
-Ura ala…
Momentuaren arabera.
