Hau irrati emanaldiak eskaintzeko prestatu beharra dago eta horretarako behar den dirua lortzeko martxoan “Xiberoak eraik beza botza” kanpaina abian jarri zuten. Euskal Herri osotik jasotako laguntzari esker xedearen lehen urratsa bete ahal izan da eta lokal berria egokitzeko lanak hilabete honetan amaituko dituzte. Bigarren urratsa egoitza berria irrati emanaldiak burutzeko beharrezkoa den ekipamenduaz hornitzea da eta horretarako 5.000.000 pta. behar dituzte zuberotarrek. Hilabete honetan amaituko da “Xiberoak eraik beza botza” kanpaina eta Zuberoako irrati honi zuen diru laguntza eskaini nahi badiozue behealdeko txarteleko kontu korrontea erabili eta txartela bidali bertan datorren helbidera, irratiko lagunek euren lanari buruzko informazio zabalagoa eskainiko dizuete. Bestalde, abenduaren 9an Sohütan kanpainako azken kontzertua izango da eta bertan Ikus eta Piarres rock taldeak, Selektah Kolektiboa rap taldea eta Madrilgo Amparanoia arituko dira.
