Bobby maitea: Inork ez dik artista handiaren izen eta izana kenduko, baina aho handi samarra ez ote haizen bihurtzen… 20 urteotan ez omen dik inork disko on bakar bat bera argitaratu. Harrapazak! Memoriaren mapa non galdu duan galdetuko dik akaso Ruper Ordorikak.
“Non dira? artista batek bere kideekiko behar lituzkeen errespetuzko hitzak”, asaldatuko zaizkik Bide Ertzean-ekoak. Gurean azkenaldian plazaraturiko ale batzuk baino ez dituk, tanta batzuk musikaren ozeanoan. Akaso urrun geratuko zaizkik, baina hurbilagokoei erreparatzea ere baduk. Zer diok Bonnie Prince Billyren The Letting Go hunkigarriaz? Tom Waitsen Orphans azken obra erraldoiaz? Hire hitzak umorez hartu eta egon badauden lan ederrez gozatzea diagu onena. Hire azken Modern Times zoragarriaz, esaterako.
Gorka Erostarbe
