Amelio Mendijur txirrindulari urretxuarra zenaren omenezko XXVI. txirrindularitza proba larunbat honetan hilak 31 arratsaldeko 15:45ean hasiko da. Ordu eta laurden inguru iraungo du gutxi gora behera lasterketak, arduradunen ustez, eta Eitzako mendatea igo beharko dute txirrindulariek. Urtero bezala txirrindularitza proba hau Labeaga kalean hasi eta bukatuko da Goierri elkarteak duen lokalaren parean. Halere, antolatzaileak arduratuta zeuden errepidean egon zitekeen elurrarengatik eta Labeaga kaleko hoditeria berria sartzeko hasi diren obrengatik. Txirrindularitza ataleko arduradunak diotenez beldur ziren lasterketa egingo zen edo ez. Azkenean ospatu ahal izango da baina podiuma urtero ez bezala etxe orratzaren ondoan dagoen terraza berrian ipiniko dute, orain arte Goierri K.E. elkarteak duen lokalaren azpian jarri da.
Apirilaren 9an ordea, Euskal Herriko txirrindularitza lasterketa pasako da gure bi herrietatik eta Goierri K.E. , Urretxuko Udalak eta Euskal Herriko Itzuliaren ordezkariek gaur sinatuko dute akordioa. Akordio honetan bai kirol elkarteak baita udalak ere 50.000 euroko diru-laguntza emango diete Euskal Herriko Itzuliaren ordezkariei antolakuntzarako. Kirol elkarteak jakinarazi duenez laster hasiko dira itzuli honetan bolondres lan egin nahi dutenen arteko bilera. Astearterako daude deituak, apirilaren 3an hain zuzen ere, eta bilera Kirol elkarteak Labeaga kalean duen lokalean ospatuko da, arratsaldeko 20:00etan. Bertan petoak eman eta laguntzaileei zein lekutan kokatu behar diren esango zaie.
Apirilaren 9an ordea, Euskal Herriko txirrindularitza lasterketa pasako da gure bi herrietatik eta Goierri K.E. , Urretxuko Udalak eta Euskal Herriko Itzuliaren ordezkariek gaur sinatuko dute akordioa. Akordio honetan bai kirol elkarteak baita udalak ere 50.000 euroko diru-laguntza emango diete Euskal Herriko Itzuliaren ordezkariei antolakuntzarako. Kirol elkarteak jakinarazi duenez laster hasiko dira itzuli honetan bolondres lan egin nahi dutenen arteko bilera. Astearterako daude deituak, apirilaren 3an hain zuzen ere, eta bilera Kirol elkarteak Labeaga kalean duen lokalean ospatuko da, arratsaldeko 20:00etan. Bertan petoak eman eta laguntzaileei zein lekutan kokatu behar diren esango zaie.
