![san_antonio_jaiak](https://www.otamotz.eus/site/files/2007/06/san_antonio_jaiak.jpg)
Bi herrien arteko liskarrak nondik datozen azaldu nahi dute Bertso Eskolakoek "Herri bat zena Urretxu Zumarraga izatea iritsi eta hortik aurrerakoak kontatzea". Narratzailea erabilita bertsolariek jarriko dute saltsa. "Antolatzaileek zerbait prestatzeko eskatu ziguten eta honetan aritu gara" diote bertsolariek. Antzerkia bukatu ostean bertso-poteoa egongo da.
Gauean The Lennon´s taldeak The Beatles-en bertsioak eskainiko ditu Areizaga-Kalebarren plazan.
Beste ekitaldi asko daude antolatuta. "El quinteto de la muerte" taldeak jazz, funky, groove, boogaloo eta bluesa fusionatzen dituen musika eskainiko du igandean gaueko 20:00etan. Aipatu beharra dago Udaberriko zikloak festa hauekin bat egingo duela eta bi ekitaldiak bateratuta egongo direla aste bukaera honetan.
Festei amaiera emateko txistorrada herrikoia egingo dute 20:00etatik aurrera.