Aurre izen-ematea astialdiko begirale ikastaroan

2007/09/04

Otamotz

Herriko hainbat jarduera betetzeko dagoen begirale tituludun falta asetzea da helburua, eta ikastaroan parte hartzeko baldintza bakarra 18 urte beteta izatea edota beranduen 2008ko abuztuan zehar betetzea da.
Ikastaroak 200 ordu teorikoez gain, 120 orduko praktikak ere izango ditu eta memoria bat ere egin beharko da. Ikastaroa gainditzen dutenek Eusko Jaurlaritzako Titulazio homologatua jasoko dute. Gainera, ikastaroa egiteagatik kredituak ematen dituzte unibertsitatean.
Edozein herritako gazteek parte hartu ahal izango dute, baina Legazpi, Urretxu eta Zumarragakoek izango dute lehentasuna; herri hauetako Udalek antolatu eta diruz lagundu baitute ikastaroa.
Ikastaroa antolatzeko gutxienez 20 lagunek eman beharko dute izena, eta hortik 16k gutxienez Legazpi, Urretxu edo Zumarragakoek izan beharko dute; bestela, bertan behera geratuko da ikastaroa. Gehienez, berriz, 30 laguneko taldea osatuko da.
Matrikularen prezioa 320 eurokoa izango da Legazpin, Urretxun edo Zumarragan erroldatuta dauden ikasleentzako. Gainontzeko ikasleek, berriz, 360 euro ordaindu beharko dute ikastaro honen matrikula. Bertan sartzen dira matrikulazioa eta aterpe-gastuak. Aterpera joateko garraioaren gastua ez da matrikulazio gastuetan sartzen. Ordainketa bi zatitan egiteko aukera izango da.
Ikastaroa Urretxuko lokalen batean egingo da. Ordutegia honako hau da 10:00etatik 14:00etara eta 15:30etik 19:30era. Asistentzia derrigorrezkoa da saio guztietan eta gehienez 3 falta egin ditzakete: 3 larunbata. Egutegi zehatza honakoa litzateke:

Urriak: 6, 20, 27;
Azaroak: 10, 17;
Abenduak: 1, 15;
Urtarrilak: 12, 19, 26;
Otsailak: 9, 16, 23;
Martxoak: 1, 8, 15;
Apirilak: 5, 12, 19;
Maiatzak: 10, 17
Aterpean igaro beharreko asteburuak (lau asteburu) zehazteke daude. Ikastaroaren hasiera atzeratuko balitz, aldaketaren bat izan liteke egutegi honetan.

Irailaren 13ra bitartean aurre-izenematea egingo da, eta horretarako 50 euro aurreratuko da. Ikastaroa egiteko adina jende osatzen ez bada, itzuli egingo da dirua. Aurrera ateratzen bada, matrikulatik deskontatuko da.
Matrikulazioa irailaren 17tik 26ra bitartean egingo da. Horretarako honako dokumentazioa beharko da: argazki bat, nortasun agiriaren fotokopia, matrikulazio fitxa eta ordaina. Bi zatitan ordaindu daiteke: lehenengo zatia matrikula egitean: 150 €; bigarren zatia urriaren 27rako:120 € (bailarakoentzat) edo 160 € (bailarakoak ez direnentzat).

Informazioa:

LEGAZPI	URRETXU	ZUMARRAGA
Gazteentzako Informazio Bulegoa	Euskara Zerbitzua	Euskara Zerbitzua
Tel.: 943 73 72 03	Tel.: 943 03 80 80	Tel.: 943 72 91 53
gazteria.le@legazpi.net	euskera.ur@urretxu.net	euskera.zu@zumarraga.net