Uxue Fernandez urretxuarrak ikastolan eta lizeoan egin zituen oinarrizko ikasketak eta ondoren Gasteizera joan zen, Jarduera Fisikoaren eta Kirolaren Zientzien fakultatera hain zuzen ere. Ikasketak ekainean bukatu zituen eta irailean ‘Emakumea pilotari’ egitasmoan lanean hasi zen. Legazpin neskentzako pilota eskola abian jarri nahi dute eta urretxuar eta zumarragarrek ere bertan parte hartzeko aukera dute. Fernandez bertsolaria ere bada. Bertsolaritzak lagunak eta “egunerokotik aldentzeko aukera” eskaintzen dizkiola aipatu du.
Zer izan nahi zenuen umetan?
Albaitaria. Garai batean baserrian asko ibiltzen ginen eta baserrizalea naiz.
Aisialdian zer egitea atsegin duzu?
Kirola egitea, irakurtzea eta bertsotan egitea. Ez dut zaletasun gehiagotarako denborarik.
Bizitzeko toki bat?
Ahal izango banu, Ezkiora joango nintzateke.
Gustuko bertsolaria?
Andoni Egaña.
Gustuko emakumezko bertsolaria?
Gipuzkoako txapelketaren ondoren, Uxue Alberdi.
Noiz irabaziko du emakumezko batek Bertsolari Txapelketa Nagusia?
Baten batek irabaziko du, baina ez dakit noiz. Oraingoz Egaña izarra da.
Ilehoriak ala beltzaranak?
Beltzaranak, inongo zalantzarik gabe. Beltzarana argitzea erraza da, baina ilehoria iluntzea arriskutsuagoa da.
Gustuko pilotaria?
Nesken artean Maider Mendizabal eta eskuz jokatzen duten gizonezkoen artean Titin eta Barriola.
Egindako azken oparia?
Bertso bat lagun bati.
Eta jasotakoa?
Uxue Alberdiri berak idatzitako liburua eraman nion hemen izan zenean eta eskaintza idatzi zidan.
Data bat?
Ez naiz data zalea.
Neska eta mutil izen bana?
Alaitz eta Iker..
Zein egunkari irakurtzen duzu?
Aspaldi honetan gainbegiratu besterik ez ditut egiten, baina parean tokatzen zaizkidan guztiak begiratzen ditut.
Gustuko telebista saioa?
Mihiluze.
Bereziki gorroto duzuna?
Txutxumutxu saioak.
Pelikula bat?
Zinemara urtean behin-edo bakarrik joaten naiz. Ez naiz zinezalea. Beste aukera batzuei lehentasuna ematen diet. Azkenaldian balleta ikustera, adibidez, zinemara baino gehiagotan joan naiz.
Liburu bat?
Uxue Alberdiren Aulki bat elurretan. Sekulako aurkikuntza izan da. Bertsotan ere literatura egiten du.
Soinu bat?
Itsasoarena.
Usain bat?
Belar moztu berriarena.
Janari bat?
Makarroiak.
Ura ala…
Ura.
