Irisgarritasun legeak ezartzen dituen betebeharrak, berriz ere bete gabe. Koskak Zelai-Arizti zinemara sartzeko, koskak Jai-alai kaleko atarietara sartzeko. Lehen ondo zegoena, orain gaizki. Enparantzarako eskilarak ere berritu dituzte, baina ranparik ez. Bide erdian ere, edonor erortzeko moduko tranpak…
Eiluz, bailarako urritu fisikoen elkartekook, 3 minutuko bideo bat prestatu dugu, ikusi nahi baduzue.
Zelai-Arizti kultur-etxeko hutsuneen berri ere eman genuen. Ez da aldaketarik izan. Ez dira harremanetan jarri gurekin. Hutsuneak konpondu behar dituzten ala ez, noiz konpondu behar dituzten, ez daukagu inolako albisterik.
