Eduardo Elias brasildarra 2004an etorri zen herrira. Sao Pauloko herri txiki batekoa da eta aparejadore ikasketak egin zituen. 2001ean bere lagunik onena Salamancara joan zen gaztelera ikastera eta berak ere mundua ezagutzeko gogoa zuenez lagundu egin zion. Ondoren Madrilen bizi izan zen. Bertan Iñaki Mariñelarena zumarragarra ezagutu zuen eta honek Euskal Herrira etortzera gonbidatu zuen. Ondo moldatu da. Alaska tabernan lan egiten du eta Karmakros antzerki tailerreko kidea da. Aurki Eliasek berak idatzitako antzezlana estreinatuko dute.
Zer izan nahi zenuen umetan?
Aktorea.
Aisialdian zer egitea atsegin duzu?
Antzerkia. Bestalde, duela gutxi saloi-dantza ikastaro batean hasi naiz.
Bizitzeko toki bat?
Salamanca. Bertan nire bizitzako urterik onenak eman nituen.
Gustuko aktoreak?
Michelle Pfeiffer eta Al Pacino.
Eta herrikoen artean?
Estitxu Zaldua eta Juanlu Escudero.
Zer botatzen duzu faltan Brasiletik?
Familia. Urtean behin joaten naiz bisitatzera.
Zein euskal ohitura edo festa atsegin duzu?
Zumarragako jaiak Urretxukoak baino nahiago ditut. Santa Isabel egunean Antiguara joatea asko gustatzen zait.
Ba al da jasan ezin duzun euskal ohituraren bat?
Ondo integratu naiz eta hemengo ohitura guztiak onartu eta errespetatzen ditut.
Zer diozu bertako Inauteriez?
Gatzgabeak iruditzen zaizkit. Urtero Brasilgo Inauterien izpiritua gerturatzen saiatzen naiz.
Futbolzalea al zara?
Ez asko. Nahiago dut boleibola.
Ilehoriak ala beltzaranak?
Ilehoriak eta beltzaranak.
Egindako azken oparia?
Poltsa lagun bati.
Eta jasotakoa?
Duela gutxi asko jaso ditut, nire urtebetetzea izan baita.
Data bat?
Amaren urtebetetze eguna: ekainaren 13a.
Neska eta mutil izen bana?
Maria eta Mikel.
Zein egunkari irakurtzen duzu?
El Diario Vasco.
Gustuko telebista saioa?
Fama. Tabernan arratsaldero ikusten dugu.
Bereziki gorroto duzuna?
Txutxumutxu saioak.
Pelikula bat?
Asko. Bat aipatzearren, Breve encuentro.
Liburu bat?
Nire urtebetetze egunean oparitu zidaten bat irakurtzen ari naiz: Pedro Almodovarren Patty Diphusa.
Soinu bat?
Itsasoko olatuena. Denbora dudan bakoitzean kostaldera joaten naiz. Donostiako Gros hondartzan eseritzea asko atsegin dut.
Usain bat?
Kafearena, nahiz eta kafea ez dudan atsegin.
Janari bat?
Pasta, era guztietara.
Ura ala…
Ura.
