Urtero bezala Gernikako Arbola plazan burutuko da aurten ere Kirol Jardunaldi Integratzaileen bederatzigarren aldia. Eguraldi txarra eginez gero Aldiri kiroldegian gauzatuko da, antolatzaileek jakitera eman dutenez.
Aurtengo kirol jardunaldiek berrikuntzak ere badakartzate. Beste urteetan ez bezala zirkuitu bat egingo dute joko ezberdinekin. Osatu duten zirkuitu horretan hamar joko egin ahalko dira: slalom-a, saskibaloia, dardoak eta boccia besteen artean. Partaide guztiek hamar jokoak egingo dituzte; amaitzean sari bat egongo da guztientzat.
Argazkian duzue aurtengo kartel lehiaketako kartel irabazlea. Sopelako Iratxe Maruri izan da egilea.
Erakusketa
Kirol Jardunaldi Integratzaileen saioren aurrekari gisa gaur arratsaldean irisgarritasunaren gaineko erakusketa bat zabalduko du Eiluzek. Erakusketaren helburua mugikortasun arazoak dituzten pertsonek dituzten zailtasunak erakustea da. Erakusketa arratsaldeko 19:00etan irekiko da gaur Zelai Arizti kultur etxean. Irekita egongo da irailaren 21era arte.
Kirol Jardunaldietarako kartelak aurkezteko epea. (Otamotz.com)
Zortzigarren urtez Kirol jardunaldi Integratzaileak aurkeztu ditu Eiluzek. (Otamotz.com-2007)
Ginkana egingo dute Jardunaldi Integratzaileetan parte-hartzea sustatzeko. (Goierriko Hitza)
Joko Integratzaileak izango dira bihar. (Goierriko Hitza)
2008ko zenbait argazki
