Idoia Luzuriagak ikastolan eta lizeoan ikasi zuen. Ondoren Bilbora joan zen Kazetaritza ikastera.
“Komunikazio mundua asko gustatzen zitzaidan, baina Bilbora gogo txarrez joan nintzen. Ez zitzaidan hiri interesgarria iruditzen, baina nire iritzia erabat aldatu zen”. Komunikabide askotan lan egin du, Goierriko Hitza azkena. Bi seme-alaba ditu eta ama langilea izatea zein gogorra den ikusirik, errealitate hori hobetzeko zer edo zer egitea erabaki zuen. Berdintasunari buruzko master bat egin zuen eta arlo horretan hasi da lanean, kazetaritza utzita.
Zer izan nahi zenuen umetan?
Emagina. Jaiotza une magikoa iruditu zait beti. Zientzia alorreko ikasgaietan gaizki moldatzen nintzen eta kazetaritza ikastea erabaki zuen.
Aisialdian zer egitea atsegin duzu?
Lasai egotea: familiarekin egon eta irakurri.
Bizitzeko toki bat?
Zumarraga.
Berdintasunaren alde lan egin dutenen artean, ba al dago bereziki miresten duzunik?
Nire amaren belaunaldikoak asko miresten ditut. Aldaketa askotara egokitu behar izan dute eta zaintzaile lana egin behar izan dute, besteak beste, eta euren lanak ez du merezi duen aitorpena.
Nor iruditzen zaizu bereziki matxista?
Arturo Perez Reverte jasangaitza iruditzen zait. Burura etorri zaidan lehena da, baino asko daude. Baita emakumezkoak ere.
Nor elkarrizketatuko zenuke gustura?
Sekula ez dut pentsatu nor, baina bai nola. Sakoneko elkarrizketa pertsonala jende askori egingo nioke. Askotan egunkarietako elkarrizketak azalekoak dira.
Prentsa, irratia ala telebista?
Irratia.
Ikusiko al zaitugu mikrofonoa eskuan berriro?
Mikrofonoa oso gustukoa dut eta beti hitz egiteko prest nago. Beti irratian lan egiteko gogoa izan dut eta beharbada idealizatuta dut.
Ilehoriak ala beltzaranak?
Biak.
Egindako azken oparia?
Familiako jaioberri bati egin diodana.
Eta jasotakoa?
Hitza utzi nuenean lankideek egindakoa.
Data bat?
Seme-alaben jaiotza egunak eta maiatzaren 5a.
Neska eta mutil izen bana?
Seme-alabena: Ane eta Iker.
Zein egunkari irakurtzen duzu?
Eskura ditudan guztiak irakurtzen ditut.
Gustuko telebista saioa?
Ez dago bereziki atsegin dudan bat.
Bereziki gorroto duzuna?
Futbol partidak.
Pelikula bat?
Isabel Coixet zuzendariaren Mi vida sin mí.
Liburu bat?
Gioconda Belliren La mujer habitada.
Soinu bat?
Itsasoarena.
Usain bat?
Ogi egin berriarena.
Janari bat?
Dena gustatzen zait.
Ura ala…
Ardoa.
