Krisia ideietara ere iritsi den honetan, zuen zalantzak argitzeko atala irekitzea pentsatu dugu ( otamotz@otamotz.com).
Hilean zalantza bat aukeratu eta horri erantzungo diogu. Hala ere, osabaren jakintza zabala beti izango dut eskura badaezpada ere. Hilabete honetan berari zor diot gomendioa. Programa eramangarriak pendrive batean edonora eraman ditzakegunak dira. Edozein ordenagailutan instalatu gabe normal funtzionatzen dute eta ez dute ordenagailuan zure fitxategien arrastorik uzten, eginiko lanak pendrivean gordetzeko aukera dugulako. Hainbat webgunetatik jaitsi daitezke: portableapps.com, appsportables.blogspot.com eta losportables.com.ar orrialdeetatik esaterako. Programa mordoa daude jada honetarako preparatuta webguneetan, baina nahi izanez gero guk ere bihur ditzakegu: Googlen bilatuta lor ditzakegun programekin. Modu honetan, beharrezkoak ditugun programak edonon erabili ahal ditugu eta arrasto txikia utzi.
Alex Areizaga
