Bertan 1974tik 2008ra bitarteko irudiak ikus daitezke.
Horretarako aipatutako atariko bilatzailean Urretxuko Euskal Jaia idatzi behar da. Artxibo guztiak interes handikoak dira: karrozak nola egiten diren, desfilea, artisauen erakusketa eta bertsolarien saioak ikus daitezke, besteak beste. Dagoeneko bideo eta argazki mordoxka zintzilikatu dira eta datozen asteetan gehiago eskainiko dira.
Urretxuko Euskal Jaia frankismo garaian jaio zen eta euskaldunon askatasun egarria asetzen lagundu zuen. Izan ere, hasieratik euskal izaera erakusteko eta aldarrikatzeko tresna izan da.
