Larreaga baserriko Aitor Lizarazu urretxuarrak Juan XXIII ikastetxean egin zituen ikasketak. 16 urterekin lanean hasi zen, zoruak lijatzen. Zazpi urte eman zituen lan horretan.
Orain Iberdrolarentzat aritzen den enpresa batean lan egiten du. Aspalditik korrika egitea du bere zaletasun handienetako bat. Donostiako maratoia 3 ordu, 3 minutu eta 50 segundotan egin zuen eta Behobia-Donostia bederatzi aldiz osatu du. Duela bederatzi urte, berriz, artzain txakurra erosi zuen. Ordutik erakustaldiak eskaintzen ditu.
Zer izan nahi zenuen umetan?
Ez dakit. Ez nuen horretan pentsatzen.
Aisialdian zer egitea atsegin duzu?
Korrika egitea, mendira joatea, txakurrarekin ibiltzea eta familiarekin egotea.
Bizitzeko toki bat?
Mendia. Kalean baino askoz hobeto egoten da. Lasaiago bai, behintzat.
Zein txakur mota atsegin duzu?
Nik dudana: Border Collie. Hemengo arraza ere atsegin dut.
Egia al da txakurra gizakiaren lagunik onena dela?
Bai. Ordu asko ematen ditugu elkarrekin eta ez du sekula kale egiten.
Poliziei txakur deitzen zaie.
Txakur mota asko daude. Batzuk arriskutsuak dira eta horiek badute polizien antza.
Lasterketa bat?
Behobia-Donostia, giro oso ona egoten baita ibilbide guztian. Gasteizkoa, berriz, oso hotza iruditu zitzaidan.
Zein da zure ametsetako lasterketa?
New Yorkeko maratoia oso gustura egingo nuke.
Korrikalari bat?
Lehen, Diego Garcia.
Ilehoriak ala beltzaranak?
Biak. Aukera pixka bat egon behar da…
Egindako azken oparia?
Lore sorta bat.
Eta jasotakoa?
Poltsa bat.
Data bat?
Ezkontza eguna: irailak 18.
Neska eta mutil izen bana?
Araitz eta Aizpea, alabenak, eta Mikel.
Eta txakur izen bat?
Nireenak: Xerpa eta Ekin.
Zein egunkari irakurtzen duzu?
Gara irakurtzen dut gehien, baina besteak ere begiratzen ditut.
Gustuko telebista saioa?
Ez dut telebista asko ikusten, baina txakur hezitzailearen saioa ahal dudan guztietan ikusten dut.
Bereziki gorroto duzuna?
Gran Hermano eta antzekoak.
Liburu bat?
Ez dut liburu asko irakurri. Ez dut astirik eta ezta gogorik ere.
Pelikula bat?
Braveheart.
Soinu bat?
Trikitixarena.
Usain bat?
Arrosarena.
Janari bat?
Gazta.
Ura ala…
Kalimotxoa.
