Musika maite du, eta kantuak konposatzea eta grabatzea du zaletasun handiena. Datorren urteko udaberrian kaleratuko du The Shepperd’s Dog (2007) ederraren jarraipena, baina bitartean ez da geldirik. Norfolk izeneko zuzenekoa plazaratu du oraintsu, oso edizio mugatuan, eta 2002an The Creek Drank the Candle lehen iraupen luzekoa argitaratu zuenetik gaurarteko ibilbidea laburbiltzen duen Around the Well ere merkaturatu du. Bitxikeriez eta hasiera batean bigarren mailakotzat hartutako folk pieza barnerakoiez osaturiko lana izan arren, bere horretan nortasuna eta izateko arrazoia duen disko liluragarria da.
Gorka Erostarbe
