Estresa errealitatea ulertzeko dugun erarekin erlazionatua dago. Jatorria ezagutuz eta zenbait sinesmen aldatuz, estresa ekiditen ikas dezakegu.
Hala ere, estresarekin modu egokiago batean bizitzeko eskuragarri ditugun zenbait baliabide erabiltzen ikasi behar dugu. Atal honetan elikadura jorratuko dugu. Hauek dira aholkuak:
1.-Bizigarriak (alkohola, kafeina…) ahal den neurrian murriztu. 2.-Arrain eta lekaleek eskaintzen dituzten proteinak haragiarenak baino osasungarriagoak dira eta ez dute kolesterol maila igotzen. Esneki eta arrautzak ere murriztu egin behar ditugu. 3.-Azukreak dietatik kendu. Xurgapen moteleko karbohidratoak (pasta, arroza, zereal integralak…) dira gomendagarrienak. Barazki eta fruituak ere ezin ditugu ahaztu. 4.-Gehigarri naturalak hartu. C (kiwiak, laranjak…), B5 (lekaleak, arrautzak, haragia…) eta B6 (fruitu lehorrak) bitaminak, zinka (itsaskiak) eta magnesioa (espinakak, olioan…) ezinbestekoak dira guruin adrenalaren funtzionamendurako (estresaren erantzuna erregulatzen du).
Oihane Sudupe
