 |
Marimar Prieto Beharbada ozono geruzaren zuloarekin zerikusia izango du. Maiatzean halako hotza egitea ez dut batere gustuko. Gaizki sentitzen naiz. Pentsa, umea ere gaixotu egin zait. Izan ere, eguraldi aldaketa bortitz hauek ez dira batere onak. Eguraldi ona nahiago dut, baina 25ºtik ez pasatzea hobe. |
 |
Iñaki Kerejeta Eguraldiaren joera naturalari dagokionez, ez dut uste hau normala denik. Apirilean ilusionatu egin ginen, baina… Aldaketa hauek guk eragindakoak dira: ez dugu ama lurra zaintzen eta gero komeriak… Nik ez dut beroa maite: 25ºrekin, primeran. |
 |
Baltasar Martin Eguraldia aldakor dabil eta udaberri bete-betean sartuta egoteko, ez da normala horrenbeste hotz egitea. Apirilean behar baino lehenago ohitu ginen eguraldi onera eta gustura egoten da halakoetan… Aldaketa klimatikoaz hitz egiten da eta esango nuke horrek zerikusia duela eguraldiaren gorabehera hauekin. |
 |
Vicente Cambronero Niri ez zait normala iruditzen eguraldiarekin gertatzen ari dena. Maiatza hasiera oso txarra izan da. Etsigarria. Beti udako eguraldia egingo balu askoz ere hobeto. Izan ere, lurralde lehor batean jaiotakoa naiz: Salamancan, alegia. |
