Ekainaren 19an Jon Cadierno zumarragarrak bere lehen liburua aurkeztu zuen Zelai Arizti kultur etxean: ‘Minutus creatio’.
Cadierno 14 urterekin hasi zen istorio laburrak idazten eta bere lanak lehiaketetara aurkezteko ohitura du. 2006an lehen liburu honetarako hautatu duen ‘Lur azpian’ lana Urruzuno lehiaketan saritu zuten eta 2007an bigarren saria lortu zuen Zumaiako Azkue lehiaketan. ‘Minutus creatio’ lau lanek osatzen dute: euskarazko ‘Lur azpian’ eta ‘Amaiur etxeko kontu-kontariak’ eta gaztelerako ‘El circo’ eta ‘Lágrimas, confesiones y perfume barato’.
Zer izan nahi zenuen umetan?
Izozki saltzailea eta tren geltokiko langilea.
Aisialdian zer egitea atsegin duzu?
Dantzatu, musika entzun, irakurri, idatzi, igeriketa, Interneten saltseatu…
Bizitzeko toki bat?
Donostia, adibidez.
Gustuko euskarazko liburua?
Anjel Lertxundiren Azkenaz beste.
Gustuko euskarazko idazlea?
Harkaitz Cano.
Gustuko gaztelerazko liburua?
Carlos Ruiz Zafón-en El juego del ángel.
Gustuko gaztelerazko idazlea?
Carlos Ruiz Zafón.
Prosa ala poesia?
Prosa. Azken bolada honetan poesian murgildu naiz, baina zailagoa egiten zait.
Zein gai atsegin dituzu?
Gai asko daude. Hasieran guztiontzeako ezagunak diren gaiei buruz idazten nuen: eguneroko bizitza, gaztaroko esperientziak… Pixkanaka gai berriak landu ditut: maitasuna, homosexualitatearekiko errepresioa, bizitza, heriotza…
Ilehoriak ala beltzaranak?
Eta ilegorriak zergatik ez?
Egindako azken oparia?
Liburu bat: La mecánica del corazón.
Eta jasotakoa?
Liburu bat argitaratzeko aukera.
Data bat?
Abenduaren 31, urtean zehar gertatuko guztiaren errepasoa egiten dudanean.
Mutil eta neska izen bana?
Adrian eta Gabriela.
Zein egunkari irakurtzen duzu?
El País gustatzen zait.
Gustuko telebista saioa?
El Intermedio, dudarik gabe.
Bereziki gorroto duzuna?
Jesús Callejak aurkezten duen Desafío Extremo.
Pelikula bat?
Slumdog Millionaire.
Abesti bat?
Bad Romance, Lady Gagarena.
Musika talde bat edo musikari bat?
The Script eta Justin Timberlake.
Soinu bat?
Pianoarena.
Usain bat?
Kafea eta tostadak.
Janari bat?
Aitaren paella eta amaren kaneloiak.
Ura ala…
Laranja zukua.
