 |
Jose Roman Irrika hori nuen, bai. Gainera, behar bezala lortu zuen Lehen Mailara igotzea: partida erabakigarria ondo irabazita. Datorren urtean zer? Ikusiko dugu, baina ilusio honekin, lehenengoen artera itzul gaitezkeela uste dut. |
 |
Mariano Sanz Behar bezala ospatu dugu, nola ez ba! Oso une polita izan zen. Izan ere, sei urteko biloba etorri zitzaidan “aitona, aitona, Reala Lehen Mailara igo da!” esanez. Eurak ere hasi dira konturatzen talde honek zer nolako sentimendua eragiten duen herritarren artean. |
 |
Izaskun Elguea Etxean ez gara Realekoak… Ejem… Athleticekoak gara. Dena den, Realaren igoerak asko poztu gaitu. Guk ere ospatu dugu, baina Lehen Mailara igotze hutsagatik ospakizun handiegiak antolatu direla uste dut. |
 |
Lidia Sánchez Asko poztu gara, nahiz eta ez garen Relekoak. Nire senarra Real Madrilekoa da, baina bera ere asko poztu da. Izan ere, bere taldeak Realaren aurka jokatzea nahi du. Are gehiago esango dut: Realak Celtaren aurka jokatutako partida ikusi genuen. Bestalde, ospakizunak ez zaizkit gehiegizkoak iruditu. |
