Eraztunen jauna trilogia: I Eraztunaren elkartea, II Bi dorreak, III Erregearen itzulera. (Euskaratzailea: Agustin Otsoa Eribeko)
Nola? Ez dituzula oraindik hiru liburu hauek irakurri? Ez dakizu ze inbidia ematen didazun istorio honetan lehenbiziko aldiz murgiltzeko aukera duzulako! Zer? Ez dituzula irakurri euskaratuak ez zeudelako? Hona hemen abentura fantastikoaren gailurra euskara txukunean, hil aurretik irakurri beharreko epopeia handi eta liluragarria. Tolkienek asmatutako lurraldea, bertako biztanleak (hobbitak, elfoak, orkoak, nanoak, gizonak…) eta gertaerak (boterea ematen duten eraztunen inguruko gorabeherak) ez dira errealak, ez, baina hain dira gure antzekoak eta hain ondo lotuta eta kontatuta dago dena…. Frodorekin bidaia osoa egiten baduzu, 1.500 orrialdeak amaitzear zaudenean halako atsekabea sentituko duzu pertsonaia horiei guztiei agur esan behar diezulako. Benetan. Gandalf for president!
Pello Biain
