 |
Nagore Asurabarrena 14 urterekin-edo igande arratsaldeetan joaten nintzen Teresa eta Mirari lagunekin. Granadina piñarekin edaten genuen. Eserita ematen genuen arratsaldea. Urte batzuk beranduago gauetan joaten hasi nintzen, tabernak itxi ondoren. Dagoeneko ez nuen granadina piñarekin edaten eta dantza egiten nuen. Denbora asko pasatu da azkenekoz joan nintzenetik. |
 |
Jose Ramon Ormazabal Segurakoa naiz eta 19 urterekin hasi ginen Goldenera etortzen. Ordu asko sartzen genituen hemen eta emaztea bertan ezagutu nuen, beste askok bezala. Hasieran Tolosara joaten ginen, baina gero hona etortzen hasi ginen giroa hobea zelako. Askotan, arratsaldeko saioa eta gero Segurara itzuli eta gauean hemen ginen berriro. |
 |
Alberto Lubian Astebururo joaten ginen eta ordutegia zorrotz betetzen zutela oroitzen dut. Ixten zutenean Tiffany’s-era joaten ginen. Sarrerarekin tragoa ematen zuten. Zerbitzariek ez zituzten tiketak hausten eta zaborra kanpora ateratzen zutenean zimurtutako tiketak hartzen genituen. Beste dantzalekuak ez ziren Goldenen erdia ere. Ordutik herrian ez da halako girorik izan. |
 |
Ana Mari Agirre Goldenen urrezko garaian bertara etorritako jendeak espaloia betetzen zuen eta ez zegoen pasatzeko tokirik. Ni oso gutxitan izan naiz, ezkontzaren bat izan dudanean bakarrik. Ez zitzaidan gustatu, ilunegia niretzat. Seme-alabak bertara joatea ez zitzaidan gaizki iruditzen, hala banekien herrian zeudela! Gainera, alaba nagusiak bertan ezagutu zuen bere senarra. |
