Osabaren erretiro birtualak askotarako ematen du, eta hona hemen bere uztako beste gomendio eder bat.
Google ahalguztidunak (San Google de Tours, onerako eta txarrerako) beste erreminta kurioso bat atera du: Google body browser. Giza gorputzaren hiru dimentsioko forma birtuala da. Hemen, beti bezala saguaren laguntza ukaezinaz, gorputza osatzen duten geruza guztiak ikus ditzakegu, haietan barrena bidaiatu; azaletik hasi eta organoak, hezurrak, nerbioak edota muskuluak bereiztu, eta gure gorputza zerekin eta nola osatuta dagoen, hiru dimentsiotan eta guk nahi dugun ikuspuntutik eta hurbiltasunetik ikusi. Urruti dagoena ezagutzen tematu gabe, gertuen duguna baina ezinezkoa zaiguna ezagutzeko modu polita da erreminta hau: bodybrowser.googlelabs.com/index.htm helbidean aurkituko dugu.
Alex Areizaga
