 |
Juan Jesus Gordillo Bizikletan ibiltzea asko gustatzen zitzaidan, baina dagoeneko ezin dut. Gaztetan asko erabiltzen nuen: lanera joateko, hondartzara joateko… Nire anaiak lasterketetan ere parte hartu zuen. Euskal Herriko Itzulia ikusteko asmoa dut. Hemendik irteten bada, nola ez dut ikusiko ba? Garai batean ziklo-kros lasterketa guztietara joaten ginen. |
 |
Joana Carro Ez naiz oso zalea, baina umearekin aterako naiz Euskal Herriko Itzuliaren irteera ikustera. Umeei halako gauzak asko gustatzen zaizkie. Gainera, mototxoarekin oso gustura ibiltzen da. Nik patinak nahiago ditut, baina seguru aski haurra koxkortzen denean berarekin bizikletan ibiltzea tokatuko zait. |
 |
Pello Biain Ez naiz batere bizikleta zalea. Egia esan, kirolak ez zaizkit gustatzen: ez ikusteko eta ezta egiteko ere. Badut bizikleta, baina urtean bizpahiru aldiz bakarrik ateratzen dut umeekin ibiltzeko. Ez dut Euskal Herriko Itzuliaren irteera ikusteko asmorik, baina haurrekin banago beharbada hurbilduko naiz. |
 |
Jonmikel Intsausti Bizikletan ibiltzea beti gustatu izan zait, baina egun ez dut horretarako aukera handirik. Kirol interesgarria da. Zikloturistak eta mendizaleak, nire ustez, laguntasunaren eta lehiakortasuna ezaren eredu onenak dira. Ez dut Euskal Herriko Itzulia jarraitzeko asmorik. Gauza txikiak handiak baino gustukoagoak ditut. |
