 |
Oihana Irastortza Ez nuen urteurrenaren berri. Egia esan, ez dut bere bizitzari buruzko berri handirik. Beste musika mota batzuk nahiago ditut eta, beraz, ez dut Iparragirreren abesti kuttunik. Abestea atsegin dut, baina irakaslea naizenez beste kanta batzuk abestea tokatzen zait: haurrentzako kantak. Dena den, ikastolan eta etxean bakarrik abesten dut. |
 |
Juan Martin Ez nuen urteurrenaren berri. Egia esan, ez dakit berari buruzko gauza handirik. Gitarra jotzen zuela eta buhamea zela besterik ez. Bere abesti batzuk ezagutzen ditut, noski. Musika asko atsegin dut eta gaztetan El Trebol taldean jotzen nuen. Taldea Ordiziako lagun batek, Tolosako batek, nire anaiak eta laurok osatzen genuen eta hainbat herritan jo genuen. |
 |
Rosa Mari Arnaez Nik ere ez nuen urteurrenaren berri. Iparragirreri buruz, betikoaz gain, bilobak kontatzen didana dakit. Izan ere, ikastolan berari buruzko gauzak irakatsi dizkiote nonbait. Musika oso gustuko dut, baina abestea ez. |
 |
Mila Mujika Banuen urteurrenaren berri. Iparragirreri buruz ez dakit gehiegi: denok dakiguna. Bizizalea zen, baina berari esker da ezaguna Urretxu. Abesti ederrak egin zituen. Urteurrena gogoratzeak merezi du. Abestea asko gustatzen zait eta badakit kantu taldea sortu dela. Orain ez dut astirik, baina etorkizunean beharbada ekimenean parte hartuko dut. |
