![](https://www.otamotz.eus/site/files/2009/12/bota_bertsoa.jpg)
2011ko bertso musikatuetan kantatutakosorta.
Nahiz ta amaren sabel barruan
goxo nengoen artean…
Jaio bainintzen Realak (lehen) liga
irabazi zun urtean,
naufragatzea omen dagokit
krisiaren uhartean,
guztia patroi berberarekin
neurtzen den gizartean.
Ekonomia krisiarekin
aski ez balitza legez,
nola bizitzan beste bi heren
falta zaizkidan gehienez…
inongo duda existentzialik
ez sentitu arren berez,
jaiotegunak markatzen digu
noiz deprimitu ta noiz ez!
Gazte sentitzen naiz, eta zer???
Mundu hontako hiltzaile ankerren
artean dago denbora ,
lehen zimurrak izan daitezke
gertakari horren froga…
umeek ere jada kalean
deitzen didate señora
eta ni berriz, inuxentea!
Begiratzen dut albora!
Nerea Elustondo