 |
Ana Arrieta Zumarragan bizi naiz eta festak gustura hartzen ditut. Pozik nago, Santa Isabel jaiak gertu direlako. Antioko eguna gustatzen zait batez ere. Goizetik gauera bizi dut, nahiz eta dagoeneko jaitsieran ez dudan parte hartzen. Danborrada ere gustatzen zait, jende gutxik parte hartzen duela iruditzen zaidan arren. |
 |
Gabriel Fernandez Festak gustura hartzen ditugu, ez gara jaietan herritik alde egiten duten horietakoak. Ahal dudan ekitaldi guztietara joaten gara. Haurrekin barraketara joan behar izaten dugu dirua gastatzera. Herri kirolak ere atsegin ditut. Egia esan, egitaraua ondo dagoela iruditzen zait eta ez nuke ezer aldatuko. |
 |
Margarita Arias Gehienetan kanpora joaten naiz, Errioxara. Dena den, festak gustatzen zaizkit eta hemen gelditzen naizenean ahalik eta ekitaldi gehienetan parte hartzea gustatzen zait. Izan ere, asko ditut gustuko. Geltokietako jaiak ere aurki dira eta horiek ere gustatzen zaizkit. |
 |
Luis Gezalaga Jaiak onak dira. Beharrezkoak dira, bizipoza ematen baitute. Zumarragako jaiak Urretxukoak bezala bizi ditut: zenbat eta gauza gehiago antolatu, orduan eta gehiagotara joaten gara. Eta parte har badaiteke hobeto. |
