Zumarragako Antzinako Ama txistularitaldeko sortzaileetako bat izan zen Esteban Barrenari omenaldiaegingo dio taldeak, aurtengo Txistu Alardean. Bihar izango da, Belokipilotalekuan, 19:00etan. Alardean, 200 musikari eta dantzari ingurupasako dira frontoiko oholtzatik.
Aurtengo udan zendu zen EstebanBarrena. Aintzinako Ama txistulari taldeko kide EndikaAltzelairentzat, ”taldearen eragilea” izan zen, ”ez zigun bakarriktxistua jotzen erakutsi. Umetan hartu eta hezitzaile rola ere betezuen. Balio asko trasmititu zizkigun”. 1967. urtean taldea sortuzutenen artean egon zen Esteban Barrena.
Biharko omenaldia xumea izango da.Jaialdia iragartzen duen karteletan ipini dituzten argazki guztietandago Esteban Barrenaren irudia. Bestela, kontzertuan ez dute ezerberezirik egingo, baina han elkartuko dira bere lagunak. Euskal Herriko hainbat txistularikhartuko dute parte kontzertuan. Musika-tresna gehiago batuko zaizkiotxistuari: klarinetea, alboka eta pianoa, besteak beste. Abeslariakere izango dira; baita abesbatzak ere.
Asteburuak hartuko duen lehenenegokontzertua izango da. Izan ere, Eguberriak atejoka daude, etagabon-kanta kontzertuak egongo dira bata bestearen segidan, biharhasi eta hilaren 23ra bitartean. Azpimarratzekoa da, Zumarragako MusikaBandak Donostiako Orfeoi Txikiarekin batera etzi egingo duen gabonkontzertua.
Gabon kontzertuen egitaraua:
- Bihar.- Antzinako Ama txistulari taldeak antolatutako txistu kontzertua, Zumarragako Beloki pilotalekuan, 19:30ean.
- Bihar.- Irimo Azpi abesbatzaren Gabonetako kontzertua, Urretxuko Lourdesko Ama elizan, 19:45ean.
- Etzi.- Zumarragako Musika Bandaren Gabon-kanta kontzertua, Donostiako Orfeoi Txikiaren laguntzarekin, Zumarragako Zelai Arizti aretoan, 13:00etan.
- Etzi.- Goiargi abesbatzaren Gabon-kanta kontzertua, Zumarragako Mertzedariar Lekaimeen elizan, 19:00etan.
- Hilak 19, astelehena.- Sekundino Esnaola musika eskolako ikasleen gabon-kanta kontzertua, Labeagan, 19:00etan.
- Hilak 23, ostirala.- Urretxuko Iparragirre Balerdi musika tailerra, Lizarriturri txistulari elkartea eta Sekundino Esnaola eskolako haur abesbatzaren Gabon-kanta kontzertua, San Martin de Tours elizan, 19:30ean.
Egilea: Gotzon Aranburu
