Osaba jakintsuak eta eskuzabalak (mila esker berriro osaba!) esan didanez, 2011n Hispanian 280.000 e-book irakurgailu saldu dira (e-reader-ak) eta e-bookak (liburu birtualak), berriz, 190.000 soilik.
Hau da: liburuak irakurtzeko gailu askoz gehiago saldu da liburuak baino. Argi dago liburu pirata gehiegi egotea (liburu berriak ere doan lor ditzakezu) ebook-en prezio altuagatik dela. Zentzugabekeria honetaz jabetu dira editorialak ere eta hasi dira lanean: Planeta, FNAC, CorteIngelesa… e-readerrak eta e-bookak prezio jasangarrietan saltzen hasi dira. Amazon ere etorri da jada, Kindlerekin eta Bruguera edizioek euren liburuak merke eta kodifikatu gabe saltzen dituzte. Euskal editorialak ere mugitzen hasi dira: Alberdania, Elkar unibertsoko marka denak, Erein, Pamiela, Desclée, Mensajero, eta jauzia eman duen azkena, Susa. Gurebook.com webgunean euren eskaintzak jaso dituzte. Doakoak ere badira: http://armiarma.com/liburu-e helbidean. Hemen, esaterako Iñaki Ibañez zumarragarrak itzulitako Joseph Conraden Ilunbeen bihotzean liburua ere aurki daiteke beste 250 tituluren artean.
Alex Areizaga
