Sasieta Mankomunitateak Urretxuko azokan ekin dio berriro Beirak bizitza asko izan ditzake, birziklatu! kanpainari. Egitasmoa martxan jarri zuten Beasainen eta Lazkaon, baina eguraldi txarragatik bertan behera utzi zuten. Beiraren gaikako bilketaren aldeko kanpaina da, eta edukiontzi berdean zer bota behar den zehaztea du helburu.
Gaur, Urretxuko azokan jarri zuten informazio gunea. Informazioa emateko modua, hala ere, ez da ohikoa. Tailerrak egin daitezke, baita jolasak ere. Urretxuko eta Zumarragako ikasleak izan dira azokan. Birziklatutako beiraz egindako pitxiak egin dituzte, eta kristala eta beira bereizten ikasi dute jolasen bitartez. Nola bereizten diren galdetuta, erantzuna argi izan duten: «tapa gabeko poteak, botilak eta flaskoak bota behar dira edukiontzi berdera. Edalontziak, platerak eta horrelakoak ezin dira bota».
