Bihar, gaueko hamaiketatik aurrera, Martxoan Bertsoako herri txapelketako finalaren zuzeneko emanaldia eskainiko dute Internetez. Finala Gaztelekuan izango da, eta zaletuek Goierriko Hitzako (goierrikohitza.info), Otamotzeko (otamotz.eus) eta Urretxu-Zumarragako Bertso Eskolako (zubertsotan.net) webguneen bitartez jarraitu ahal izango dute.
Webgune hauetako eragileak, aurreko urteetan, zuzeneko emanaldiak eskaintzen saiatu diren arren, finala ez da sarean orain artean zuzenean eman. Azkeneko hiru urteetan, herri txapelketako finala irrati bidez eman izan da zuzenean, KKinZona Urretxuko eta Zumarragako irrati librean, hain zuzen ere.
