Sei urte igaro dira Gaizka Oiartzabalzumarragarrak Urretxuko Motz taberna hartu zuenetik. Ez da urteurrenborobila, baina ospatzeko modukoa dela iruditu zaio tabernariari.Hori horrela, aspaldidanik buruan bueltaka zuen ideiari forma emaneta ekintzaz betetako egitarau oparoa prestatu du.
Egitaraua apirilaren 19tik maiatzaren11ra luzatuko da. Tabernan eskainiko dituen ekintzak aukeratzerakoorduan, irizpide jakinik ez duela erabili aitortu du Oiartzabalek.Dena den, badute guztiek lotzen dituen zerbait: bertsolaritza etarock & rolla izango dute oinarrian ia jarduera guztiek.Tabernaren beraren eta jabearen izaerarekin «zuzenean lotzen»dituena.
Egitaraua:
- Apirilak 19, osteguna: pintxo poteoa. Ondoren, 22:30ean Kike Biguri ordiziarraren bakarrizketa saioa.
- Apirilak 20, ostirala: Bikustik taldearen kontzertu akustikoa, 23.00etan hasita. Rock talde ezagunen bertsioak eskainiko dituzte, Led Zeppelinenak, Black Crowesenak edo Credence Clear Water Revivalenak, batzuk aipatzearren.
- Apirilak 21, larunbata: bertso bazkaria, Martxoan Bertsoa ekimenaren baitan. Sarrerak Motz tabernan erosi ahal izango dira.
- Apirilak 22, igandea: Xabier Amuriza bertsolariak Xalbadorren bertso zaharrak ekarriko ditu gogora, horietaz baliatuz bere bizitzaren errepasoa egingo duelarik. 20:00etan hasiko da saioa.
- Apirilak 26, osteguna: pintxo poteoa. Ondoren, 22:30ean Xabier Silveirak A las 9:00 en el Faisan liburua aurkeztuko du. Aurkezpenean hainbat bertsolari izango ditu lagun.
- Apirilak 28, larunbata: Royal Canal Duoren kontzertua, 23:00etan.
- Maiatzak 11, ostirala: Luis Vil eta Ibon Arzuaga taldearen kontzertua, 23:00etan
