Iñaki Mendiluze ‘Txugi’-ren omenez kimuen futbol txapelketa egingo dute etzi, Zumarragako Argixao futbol zelaian. Aurtengoa, lehiaketaren hamazazpigarren edizioa da. Urolako lehendakari Asier Muruaren arabera, «urtero, Euskal Herriko talde onenak Zumarragan egoteko saiakera egiten dugu». Aurten ere, txapelketak maila altua izango duela iragarri du.2000. urtean jaiotako haurrez osatutako taldeak lehiatuko dira, kimuen mailan, eta Futbol 8 delakoan jokatuko dute. Txapelketa 9:15ean hasiko da, Zumarragako futbol zelaian; 13:15ean sari banaketa egingo dute, eta Mendiluzeri omenaldia egingo diote.
