Larunbatean Ikasle Eguna egin zuten Urretxuko eta Zumarragako ikasleek

2012/04/16

Otamotz

Larunbatean egin zen Urretxun etaZumarragan I. Ikasleen Eguna, Ikasle Abertzaleak taldeak antolatuta.10:30ean hasi zuten eguna. Ikasleen arteko topaketa egin zutengaztetxean. 40-50 bat ikasle inguru bildu ziren bertan. Sarrera gisa,Tolosaldeko Ikasle Abertzaleak taldeko zazpi kidek euren testigantzaeman zuten. Euren esperientziaren bitartez dituzten arazoen etaikastetxeetan dauden gabezien berri eman zieten bertan bildutakoei.Besteak beste, ondorengo gaiak izan zituzten hizpide:

Gaztelaniazko materiala
Irakasleen gaztelaniarako joera
Azpiegitura desegokiak
Eduki espainolak
Euskal Herriko geografiarekiko eta historiarekiko ezjakintasuna
Pedagogiak eragindako ikasleek kritika gaitasun eza
Ikasleei eskoletako erabakietan parte hartzeko jartzen zaizkien oztopoak
Adierazpen askatasuna
Grebarako eskubidea
Hezkuntzak duen hezkidetza
Ikuspegi feministarik eza

Behin sarrera amaituta Lizeoko etainstitutuko ikasleek euren egoeraren inguruko hausnarketa egin zuten,zituzten arazoak identifikatu, gero erantzunak guztien arteanelkarbanatzeko. Goizari amaiera emateko, ikastetxeetatik irten eraherriak bihurtu ziren eztabaida gune. Zer egiten dute ikasleekaisialdian? Non biltzen dira? Zein jardueratan hartzen dute parte?Galderei erantzuten saiatu ziren.

Behin hausnarketa saioa amaituta, herrikiroletan aritu ziren 60 bat gazte, Urretxuko udaletxe ondokoarkupetan. Soka-tiran, txapela jaurtiketan, zaku karreretan… arituziren. 14:30ean bazkaria egin zuten bertan bildutakoek, 100 ikasletikgora, Urretxuko udaletxeko sarreran. Trikiti doinuez lagunduta luzatuzen bazkalondorena, 16:30ean gaztetxean, 3gabe2 taldearen kontzertuahasi zen arte. Gaztetxea jendez bete zen eta erromeri doinuak izanziren nagusi 18:30 bitartean.

Antolatzaileek balorazio guztizpositiboa egin dute I. Ikasle Egunaren gainean eta ondo egindakolanak emaitza onak ematen dituela ondorioztatu dute. Hau, hasierabesterik ez dela izan esan dute.