![](https://www.otamotz.eus/site/files/2012/12/sl.jpg)
Askoren ahotan entzun ahal izan da gaur goizean aurten azokara beste urteetan baino jende gutxiago etorri dela. Mugimendua ere besteetan baino beranduago hasi da gaur, 11:00ak aldera. ganaduzaleek esandakoaren arabera, salmentak ere "pattal" joan dira, eta 10:00etan eman dituzten datuen arabera, ordu horretarako 18 ganadu buru soilik saldu dituzte. Ganadu erakusketan hainbat postu hutsik egon dira, eta oro har, ganadu buru gutxiagoizan ditu aurtengo feriak. Ikusi Otamotz.com-eko argazki galeria .
Eguraldi hotza eta haizea izan dira, baina euria lehen orduan soilik egin du Urretxun eta Zumarragan. Eguerdian sariketetako sariak banatuko dituzte eta arratsaldean pilota jaialdia egingo dute Urretxuko Ederrena pilotalekuan. Aritz Lasa eta Arruti Mendizabal III.aren eta merinoren kontra ariko dira lehen partidan, eta Xalak eta Zubietak Martinez de Irujoren eta Merino II.aren kontra jokatuko dute ondoren. Hirugarren partidan Jaunarenak eta Ceciliok Ezkurdiaren eta Ladis Galarzaren kontra jokatuko dute. Ikusi Berria.info webgunean Gotzon Aranbururen argazkiekin osatutako galeria.