Datorren ikasturterako izena eman daiteke jada Zumarragako Beloki pilota eskolan. Izena emateko pilotalekura joan daiteke asteartetik ostiralera 18:00etatik 20:00etara, edo honako telefonoetara deituta: 943720293 edo 680362256.
Etzi, bestalde, Beloki pilota elkarteak antolatutako haurren txapelketaren finalak izango dira Beloki frontoian. Zortzi partida jokatuko dira 16:00etatik hasita.
Lau maila daude: pre-benjaminak, benjaminak, kimuak eta infantilak. Jokatuko dira A finalak, eta B finalak (hirugarren eta laugarren posturako partidak, alegia). 100 haur baino gehiagok jokatu dute txapelketa azkeneko hilabetean.
Behin partidak amaituta sari banaketa egingo dute.
