Goierriko ESIk material ortopedikoa behar dutenak eta emateko prest daudenak hartu emanean jarriko ditu
Goierriko Erakunde Sanitario Integratuak (ESI) Zumarragako Ospitalean egoitza dauka, eta bertatik material ortopedikoa berrerabiltzeko kanpaina jarri dute martxan. Europan Hondakinak Saihesteko V. Astea egiten ari dira aste honetan, eta Goierriko osasun erakundeak kanpaina honekin bat egin du. Leire Jimenez Goierriko ESIko ingurugiro arduraduna da, «gure asmoa ortopedia-tresnen berrerabilpen kanpainak denboran irautea da». Goierriko ESIk material ortopedikoa emateko prest daudenak eta behar dutenak hartu emanean jartzeko zubi-lanak egingo ditu. «Beharrak ezagutzea iniziatiba ona dela uste dugu, are gehiago, beharra dutenak eta materiala dutenak harremanean jartzeko gai bagara. Horrez gain, horrelako tresnak erosi ezin dituztenak egon badaude eta horiei laguntzeko era bat izan daiteke». Ortopedia-tresnak, besteak beste, gurpil-aulkiak, makuluak eta ohe-artikulatuak dira. Harreman hori kudeatu ahal izateko posta elektroniko bat ireki dute: reutilizando-osigoierrialtourola@osakidetza.ne.
